ეკალა

ნიგოზი და ნიორი ერთად გაატარეთ.

გადაიტანეთ თასში და დაუმატეთ სანელებლები და მარილი.

დაუმატეთ ძმარი და კარგად აურიეთ.

დაჭერით ხახვი და ქინძი და ნიგვზის ნაზავს კარგად შეურიეთ.

ეკალას მომზადება: ეკალას ზედა ნაწილი უფრო მეტად რბილია. სწორედ ეს ნაწილია კერძის მოსამზადებლად საჭირო. ეკალას ღეროები მოაჭერით და მაგარი ფოთლები მოაშორეთ. კერძისათვის მხოლოდ რბილი ფოთლები და ღეროები უნდა გამოიყენოთ. დიდ ქვაბში აადუღეთ წყალი და ჩაყარეთ ეკალა. ხარშეთ 8–15 წუთით (დრო დამოკიდებულია თვითონ ეკალაზე – თოთო ეკალა უფრო მალე იხარშება).

მოხარშული ეკალა მწვანილის საჭრელ დაფაზე გადმოიტანეთ და დაჭერით (თუმცა, ძალიან წვრილად არა).

დაჭრილ ეკალას დაუმატეთ წინასწარ გამზადებული ნიგვზის საკმაზი და კარგად აურიეთ.

ეკალა შეგიძლიათ ბურთულებად დაამრგვალოთ და სალათის ფურცლებით გააფორმოთ. მიირთვით ცივი.