მარწყვის რულეტი ნაღების კრემით

კრემისათვის დაჭერით შოკოლადი და ჩაყარეთ ქვაბში 150 მგ ნაღებთან ერთად, გაალღვეთ ნელ ცეცხლზე. დროდადრო ამოურიეთ და გადადგით გასაგრილებლად. ათქვიფეთ 200 მგ. ნაღები(არანაკლებ 30%) შაქრის პუდრასთან და ნაღების შემასქელებელთან ერთად, თანდათანობით შეურიეთ გაგრილებული თეთრი შოკოლადის მასა. მიღებული კრემი შედგით მაცივარში 30 წუთით.

ცომისათვის ათქვიფეთ ცილა, თანდათანობით შეურიეთ 2ს/კ შაქარი და მწიკვი მარილი. ათქვიფეთ კვერცხის გული დანარჩენ შაქართან და ვანილთან ერთად. დაუმატეთ ზეთი ისე, რომ არ შეანელოთ თქვეფა. ფაქიზად შეურიეთ ერთმანეთს კვერცხის გულისა და ცილის მასები, თანდათანობით დაუმატეთ გამაფხვიერებელ შერეული ფქვილი.

36х28 სმ ზომის გამოსაცხობ ლანგარზე გადააფარეთ პერგამენტი და წაუსვით მცენარეული ზეთი. ფრთხილად გადაიტანეთ მიღებული ცომი. გამოაცვხეთ ბისკვიტი 180 გრადუსზე გახურებულ ღუმელში 15-20 წუთის განმავლობაში, სანამ ოქროსფრად არ შეიფერება. გამომცხვარ ფენას გადააფარეთ სამზარეულოს ტილო, სწრაფად გადმოაბრუნეთ და მოაცილეთ პერგამენტი. ფრთხილად დაახვიეთ ჯერ კიდევ ცხელი ფენა ტილოსთან ერთად და გააჩერეთ გასაცივებლად.

დაჭერით მარწყვი მცირე ნაჭრებად. რამოდენიმე ცალი კი მოიტოვეთ მოსართავად.

გაასწორეთ გაგრილებული რულეტი, წაუსვით კრემი, ცოტაოდენი კრემი მოიტოვეთ ზემოდან გადასასმელად. თანაბრად გადაანაწილეთ კრემზე მარწყვი. დაახვიეთ რულეტი და კიდეები შემოუსწორეთ დანით.

მზა რულეტს ზემოდან გადაუსვით მორჩენილი კრემი და მორთეთ მარწყვითა და შოკოლადის ფანტელებით. გააცივეთ მაცივარში და შემდეგ მიიტანეთ სუფრასთან.