ახალი ტყემალი

ქვაბში, სადაც ძალიან ცოტა წყალი ჩავასხი, ჩავყარე 2 კგ-მდე ალუჩა (ცოტა სახრამუნოდ მოიტოვეთ) და ცეცხლზე შემოვდგი. ალუჩას ბევრი წყალი არ სჭირდება, რადგან ის მაღალ ტმპერატურაზე თვითონ უშვებს წვენს. ყურადღებით იყავით თუ თავზე დაახურებთ, ადუღებისას შესაძლოა გადმოვიდეს. ალუჩა ქაფს აუცილებლად მოიკიდებს, რაც ფრთხილად უნდა მოხადოთ. როგორც კი შეატყობთ რომ მასა დარბილდა და გაღიავდა გადმოდგით ცეცხლიდან. მოიმარჯვეთ თასი და საწური, სადაც ეტაპობრივად უნდა გახეხოთ ალუჩები. მე ამისთვის ხელის ნაცვლად კარტოფილის საჭყლეტი გამოვიყენე. ძალიან მოსახერხებელია. როდესაც ყველა ალუჩას კურკას დარჩენილი მასისგან გამოათავისუფლებთ, კურკები გადაყარეთ. ამის შემდეგ, ქვაბში დარჩენილი სითხე (ალუჩის წვენი) დაამატეთ თასში არსებულ მასას რაც საწურიდან ჩავიდა. ამასობაში, ტყემლის საწებლის მომზადების პირველი ეტაპი დასულდა.

ჩამოთვლილი სანელებლები უნდა დავჭრათ წვრილად და შემდეგ დავნაყოთ. თუ ეს გეზარებათ, ხორცის მანქანაში შეგიძლიათ გაატაროთ, თუმცა დანაყილ სანელებლებს სხვა გემო-ვნება აქვს... სანელებლები შევურიოთ პირველ ეტაპზე მომზადებულ მასას და კარგად მოვურიოთ. მაშ ასე, თქვენი მომზადებული ახალი ტყემლის საწებელი უკვე მზად არის!