ქამა სოკო ყველის შიგთავსით

გააცხელეთ ღუმელი 175C(350F) გრადუსამდე. საცხობი ფირფიტა დაფარეთ პერგამენტის ქაღალდით. გაასუფთავეთ სოკოები ნესტიანი ქაღალდის ხელსახოცით. თითოეულს ფრთხილად მოაცილეთ ღერო. დაანამცეცეთ სოკოს ღეროები.

დანამცეცებამდე დაჭერით ნიორიც. დადგით ტაფა საშუალო ცეცხლზე, დაასხით ზეთი და დაყარეთ სოკოს დაქუცმაცებული ღეროები. ჩაუმატეთ ნიორიც და შეურიეთ. წვით ნესტის გაქრობამდე და ეცადეთ, რომ არ დაწვათ ნიორი. გამორთეთ ცეცხლი.

გაცივების შემდგომ ტაფაშივე ჩაუმატეთ ნაღების ყველი და შეურიეთ. მოაყარეთ ყველი პარმეზანი, შავი წიწაკა, ხახვის ფხვნილი ან დანამცეცებული ახალი ხახვი, პილპილი და კარგად შეურიეთ. კოვზის გამოყენებით გადაანაწილეთ მიღებული მასა სოკოების თავებში. დაალაგეთ სოკოები შიგთავსით საცხობ ფირფიტაზე, ზევიდანაც მოაყარეთ ცოტაოდენი გახეხილი ყველი და აცხვეთ 20 წუთის განმავლობაში. გამოცხობის შემდეგ დაალაგეთ თეფშზე და გააფორმეთ მწვანილით.