შემწვარი ყაბაყი ნიგვზით

ყაბაყი 1 სმ სისქის ნაჭრებად დაჭერით. ტაფაზე გააცხელეთ ზეთი და დააწყვეთ დაჭრილი ყაბაყი. დააფარეთ და წვით საშუალო ტემპერატურაზე. როცა ერთ მხარეზე შეიწვება გადმოაბრუნეთ და მეორე მხარეს დაუფარებლად წვით. შეწვით დარჩენილი ყაბაყიც.

შემწვარი ყაბაყი თასში გადაიტანეთ და გააგრილეთ.

ნიორი და ნიგოზი ხორცსაკეპ მანქანაში ერთად გაატარეთ და საშუალო თასში მოათავსეთ. დაჭერით ხახვი, ქინძი და ოხრახუში. დაჭერით მწვანე წიწაკა(სურვილისამებრ) და თასში გადაიტანეთ.

დაუმატეთ ქინძის სუნელი, ყვითელი ყვავილი, უცხო სუნელი, წითელი წიწაკა და მარილი. შეურიეთ 50 მლ ადუღებული გაგრილებული წყალი და 3 ჩ/კ თეთრი ღვინის ძმარი. კარგად აურიეთ.

მირთმევის წესი 1 : შემწვარი ყაბაყი ნიგვზის საკმაზის თასში გადაიტანეთ და კარგად აურიეთ. მიირთვით ცივი.

მირთმევის წესი 2: შემწვარი ყაბაყის თითოეულ ნაჭერზე გადაიტანეთ მიღებული ნიგვზის საკმაზი. მიირთვით ცივი.