ნამცხვარი ყავასთან

გააცხელეთ ღუმელი 175C გრადუსზე. მოაცხეთ ცხიმი და მოაყარეთ ცოტაოდენი ფქვილი 12×33სმ ზომის საცხობ ფორმას.

მოამზადეთ ტკბილი მასა გასაფორმებლად: საშუალო ზომის თასში ერთმანეთს შეურიეთ 1/4 ჭიქა ფქვილი, 2/3 ჭიქა შაქარი და 1 ჩაის კოვზი დაფქული დარიჩინი. ჩაჭყლიტეთ 55 გრამი კარაქი დანამცეცებული მასის მისაღებად.

დიდი ზომის თასში ერთმანეთს შეურიეთ 2 ჭიქა ფქვილი, 3/4 ჭიქა შაქარი, 2 ჩაის კოვზი გამაფხვიერებელი და 1/2 ჩაის კოვზი მარილი. ჩაჭყლიტეთ 115 გრამი კარაქი დანამცეცებული მასის მიღებამდე.

ჩატეხეთ კვერცხი ჭიქაში და შეავსეთ რძით. ჩაუმატეთ ვანილის ექსტრაქტიც. შემდეგ მოასხით ცომის დანამცეცებულ მასას და ურიეთ, სანამ არ გაიჟღინთება. თანაბრად გადაანაწილეთ საცხობ ლანგარზე და მოაყარეთ დანამცეცებული მასა გასაფორმებლად.

აცხვეთ 25-30 წუთის განმავლობაში, გააცივეთ და გემრიელად მიირთვით!