მექსიკური მაკარონის სალათა

წინასწარ გააცხელეთ გრილი. სიმინდის ტაროები გრილზე მოათავსეთ და დაახლოებით 10 წუთით წვით. ყოველ 2-3 წუთში გადააბრუნეთ, რომ ყველა მხარეს თანაბრად შეიწვას. გრილიდან გადმოიღეთ, გააცივეთ და სიმინდის მარცვლები მოაცალეთ.

ამასობაში, ოდნავ მარილიან წყალში (დაახლ. ½ ს/კ) მოხარშეთ მაკარონი. გადაწურეთ, გაავლეთ წყალი და გააცივეთ.

საკმაზის გასაკეთებლად, თასში აურიეთ მაიონეზი, იოგურტი, ლაიმის წვენი, ქინძი, ნიორი, ჩილი, ძირა და შეაზავეთ მარილითა და პილპილით. გამოყენებამდე შეინახეთ მაცივარში.

შეგიძლიათ, ცოტაოდენი დაჭრილი პომიდორი, სიმინდი, ავოკადო და ხახვი თავზე მოსაყრელად გადაინახოთ. სასალათე თასში გადაწურული მაკარონი, სიმინდის მარცვლები, დაჭრილი პომიდორი, შავი ლობიო(გადაწურული და წყალში გავლებული), დაჭრილი ავოკადო, დაფშვნილი ყველი, მწვანე ხახვი და სალათის საკმაზი კარგად აურიეთ.

გადანახული ინგრედიენტები თავზე მოაყარეთ. მიირთვით მომზადებისთანავე ან მირთმევამდე შედგით მაცივარში.