კანფეტი ცისარტყელა

20X20 სმ ზომის ლანგარს მოასხურეთ საცხობი სპრეი და დააფინეთ პერგამენტი.

დაბალ ტემპერატურაზე საშუალო ქვაბში მოათავსეთ თეთრი შოკოლადის ნატეხები, დამტკბარი შესქელებული რძე და კარაქი. ურიეთ ხშირ–ხშირად, გადნობამდე და ერთგვაროვანი მასის მიღებამდე. შეურიეთ ნუშის ექსტრაქტი.

მიღებული ნაზავი 6 პატარა თასში თანაბრად გადაანაწილეთ. თითოეულს განსხვავებული ფერის საკვები საღებავები დაუმატეთ და კარგად შეურიეთ. თითოეულს საკვების შესაფუთი ცელოფანი გადააფარეთ.

იასამნისფერი ნაზავი წინასწარ გამზადებულ ლანგარზე ხელით გაშალეთ და გაყინეთ გამყარებამდე, დაახლოებით 10 წუთით. დაგჭირდებათ კიდევ ერთი 20X20 სმ ზომის ლანგარი. მეორე ლანგარზეც დააფინეთ პერგამენტი, ხელით ლურჯი ნაზავი გაშლეთ და გაყინეთ, დაახლოებით 10 წუთით. ლურჯი ნაზავი იასამნისფერის ზემოდან მოათავსეთ.

თითოეული ფერის შემთხვევაშიც ზუსტად ასე გაიმეორეთ: თითოეული ფერის ნაზავი სათითაოდ ჯერ ლანგარზე გაშალეთ (მწვანე, ყვითელი, სტაფილოსფერი და წითელი << ამ თანმიმდევრობით). გაყინეთ 10 წუთით და შემდეგ თითოეული იასამნისფერ–ლურჯ ფენებს დაუმატეთ ზემოდან.

შედგით მაცივარში გამყარებამდე, დაახლოებით 4 საათით. გადმოიტანეთ ხის დაფაზე, მოაცალეთ პერგამენტი და დაჭერით პატარა კუბიკებად. მოათავსეთ ჰერმეტულ კონტეინერში და მირთმევამდე შედგით მაცივარში.