გამომცხვარი ოსპი, ბოსტნეული და სოკო

ოსპი 15 წუთით ხარშეთ, შემდეგ კარგად გადაწურეთ და დიდ თასში მოათავსეთ.

დიდ ტაფაზე გააცხელეთ ზეითუნის ზეთი და თუშეთ დაჭრილი ხახვი, სოკო და სტაფილო, დაახლოებით 7–10 წთ–ით ისე, რომ ბოლომდე არ მოითუშოს. შემდეგ გადაიტანეთ ოსპის თასში.

დაუმატეთ ნაზავს 2 კვერცხი, დაჭრილი ოხრახუში, მწვანე ხახვი, კამა, ზღვის მარილი, პილპილი, ქონდარი და ერთად კარგად აურიეთ.

სურვილისამებრ, მოხარშეთ დარჩენილი 3 კვერცხი.

ნაზავისათვის წინასწარ მოუსვით ცხიმი ნებისმიერი ფორმის საცხობ ლანგარს (თუმცა, უმჯობესია მოგრძო ფორმის).

მასის ნახევარი ფორმაში გადაიტანეთ, დააწყვეთ გაფრცქვნილი, მოხარშული კვერცხები და დაფარეთ მასის დარჩენილი ნახევრით.

შედგით ღუმელში და აცხვეთ 180 C-ზე, დაახლოებით 30–40 წთ.

ფორმიდან ამოღებამდე ცოტათი გააგრილეთ.