მოცემული ინგრედიენტები საკმარისია 8 ცალი დიდი ან 16 პატარა ენერგეტიკული ფილის მოსამზადებლად. თქვენ ასევე დაგჭირდებათ ბლენდერი, კულინარიული ცელოფანი და მჭრელი დანა.
სასურველი თხილეულობა(მაგალითად ამ შემთხვევაში ნუში) შეგიძლიათ მოხალოთ, ასე უფრო გემრიელი ფილები გამოგივათ. შედგით ღუმელში და შეწვით 175°C-ზე 10-12 წუთის განმავლობაში, სანამ არომატული და ოქროსფერი არ გახდება. მოხალვის შემდეგ აცალეთ გაცივება.
მოათავსეთ სამივე ინგრედიენტი ბლენდერში და აამუშავეთ რამდენიმე წამით. ასე გაიმეორეთ ორჯერ-სამჯერ, პატარა შესვენებებით. თუ ფინიკები ერთმანეთს შეეწებება, დააშორეთ ისინი ერთმანეთს. შემდეგ აამუშავეთ ბლენდერი 30 წამის განმავლობაში, უწყვეტად. შეისვენეთ და შეამოწმეთ, დანამცეცებული ინგრედიენტები ბლენდერის დანას ქვევიდან ხომ არ ეკრობა. როცა დარწმუნდებით, რომ ყველაფერი რიგზეა, ჩართეთ ბლენდერი 1-2 წუთის განმავლობაში, სანამ ინგრედიენტები ერთად ერთად არ შეიკვრება და შეჯგუფდება.
გაშალეთ ცელოფანი სამუშაო ზედაპირზე და მოათავსეთ გათქვეფილი ენერგეტიკი ზემოდან. დასრისეთ ხელებით და მიეცით კვადრატის ფორმა. შეფუთეთ ცელოფანში და შედგით მაცივარში. გააჩერეთ იქ მინიმუმ ერთი საათით. შეგიძლიათ მთელი ღამითაც დატოვოთ კარგად გასაცივებლად.
მოაცალეთ თქვენს ენერგეტიკს ცელოფანი და დადეთ საჭრელ დაფაზე. დაჭერით მჭრელი დანით და მიიღეთ ენერგია!
ვაშლი-დარიჩინი-ნიგოზი ასევე გემოთა მშვენიერი შეხამება იქნება. ფილების ნაცვლად ბურთულები ხომ არ გაგვეკეთებინა? რა იქნება რომ დავუმატოთ ქოქოსი? კაკაო? შოკოლადი? დარიჩინი, კოჭა, ჯავზი ან ცედრაც ხომ არ მოუხდება? იყავით თავისუფალი.