არაქისის მოსახალად წინასწარ გააცხელეთ ღუმელი 180°C-ზე.
გაავლეთ გაურჩეველი, უმი არაქისი წყალში ჭუჭყის მოსაშორებლად და შეამშრალეთ. მოათავსეთ დიდ თასში, შეურიეთ 2 სუფრის კოვზი არაქისის ზეთი, 1-2 სუფრის კოვზი მარილი (გემოვნებით) და აურიეთ, რომ კარგად დაიფაროს.
დაალაგეთ ორ საშუალო ზომის ლანგარზე ერთ ფენად და ხალეთ 30–35 წუთის განმავლობაში. ხალვის დაწყებიდან 15–20 წუთში ლანგრები შეატრიალეთ.
მოხალული არაქისი გამოდგით და გააგრილეთ. რაც მეტად გაგრილდება, მით უფრო ხრაშუნა გახდება.
კარაქის მოსამზადებლად მოათავსეთ 420 გრამი უკვე მოხალული, გარჩეული და გაფრცქვნილი არაქისი, ერთი ჩაის კოვზი მარილი და ერთ-ნახევარი ჩაის კოვზი თაფლი კომბაინის თასში და თქვიფეთ 1 წუთის განმავლობაში.
ჩამოფხიკეთ თასის კედლებზე შერჩენილი მასა, შემდეგ კვლავ დაახურეთ თავსახური და განაგრძეთ თქვეფა. ნელ–ნელა შეურიეთ ერთ-ნახევარი ჩაის კოვზი ზეთი და თქვიფეთ, სანამ ერთგვაროვან, გლუვ მასას არ მიიღებთ (დაახლ. 1.5 ან 2 წუთი).
ბოლოს, გადაიტანეთ მიღებული მასა ჰერმეტულ კონტეინერში და შედგით მაცივარში. ამ პირობებში შენახვისას ვარგისია 2 თვის მანძილზე.
არაქისის კარაქის გემოს მთავარი საიდუმლო არაქისის სწორად მოხალვაშია.