რეგისტრაცია შესვლა
1
გამარჯობა,
  • კულინარიული აღმოჩენების დროა!
  • ჩაინიშნეთ და შეაფასეთ საყვარელი რეცეპტები
  • გაუზიარეთ სხვებსაც საკუთარი კულინარიული შემოქმედება
დარეგისტრირდით ახლავე!
1
გამარჯობა,
კულინარიული აღმოჩენების დროა!
ჩაინიშნეთ და შეაფასეთ საყვარელი რეცეპტები
გაუზიარეთ სხვებსაც საკუთარი კულინარიული შემოქმედება
განათავსე რეცეპტები!
როგორ გავაკეთოთ ჩურჩხელა
ავტორი: tamta

განსაკუთრებით გემრიელი ტკბილეული, რომელიც შემოდგომაზე დიდი ხალისითა და სიყვარულით მზადდება. მისი მომზადება არც თუ ისე რთულია. თუმცა, შედეგი ნებისმიერ სირთულედ ნამდვილად ღირს :)

 

ამ რჩევაში იხილავთ როგორ გააკეთოთ თხილისა და ნიგვზის ჩურჩხელა.

 

მოცემული ინგრედიენტებით გამოდის, დაახლოებით 4 თხილისა და 4 ნიგვზის ჩურჩხელა.

 

დაგვჭირდება:

  1. 50 ცალი ნიგოზი
  2. 100 ცალი თხილი
  3. 1.5 ლიტრი ბადაგი
  4. 300 გრ ფქვილი
  5. 3 ჩ/კ შაქარი
  6. ნემსი
  7. მაგარი ძაფი

ბადაგის, ფქვილისა და შაქრის რაოდენობა საკმარისია ჩურჩხელების ერთჯერადად ამოსავლებად. ჩურჩხელები სულ მცირე 2–ჯერ მაინც უნდა ამოვავლოთ.

1
ნაწილი
გაამზადეთ ნიგოზი

ნიგოზი გაარჩიეთ. მოათავსეთ ცხელ ტაფაზე და დაბალ ტემპერატურაზე 2–3 წუთით მოხალეთ ისე, რომ არ დაიწვას. გადმოდგით გაზქურიდან და გააგრილეთ. გაყავით ლებნები შუაზე.

2
ნაწილი
გაამზადეთ თხილი

თხილი გაარჩიეთ და ცხელ ტაფაზე 2–3 წუთით მოხალეთ. ხის კოვზით მუდვმივად ურიეთ, რომ კანი მოშორდეს. თბილ თხილს კანი ხელით მოაშორეთ.

3
ნაწილი
აასხით ძაფზე ნიგოზი

დაგჭირდებათ ნემსი და 75 სმ მაგარი ძაფი. ძაფი ორად გაკეცეთ. ააცვით ნიგოზი. ლებნების ბრტყელი მხარე ზემოთ უნდა იყოს მიმართული. ერთ ძაფზე 25 ცალი ლებანი ააგეთ. მოაჭერით ნემსი და ბოლო განასკვეთ.

4
ნაწილი
აასხით ძაფზე თხილი

75 სმ სიგრძის ძაფი ორად მოკეცეთ. თხილი ნემსით ძაფზე ააცვით – თითოეულ ძაფზე 25 ცალი თხილის გული. მოაჭერით ნემსი და განასკვეთ.

5
ნაწილი
მოამზადეთ თათარა

ფქვილი და შაქარი თასში მოათავსეთ. თანდათანობით შეურიეთ 500 მლ ბადაგი და ხის კოვზით მოურიეთ.

6
ნაწილი
ათქვიფეთ

ათქვიფეთ ელექტრო ბლენდერით, რომ ნაზავი ერთგვაროვანი გამოვიდეს.

7
ნაწილი
ნაზავი ბადაგს შეურიეთ

1 ლიტრი ბადაგი ღრმა ქვაბში მოათავსეთ და თანდათანობით შეურიეთ ფქვილის, შაქრისა და ბადაგის ნაზავი. კარგად მოურიეთ.

8
ნაწილი
აადუღეთ

გააცხელეთ მაღალ ტემპერატურაზე. ურიეთ მუდივად. აადუღეთ. შეამცირეთ ტემპერატურა და დაბალ ცეცხლზე 8–10 წუთით ადუღეთ. თათარა ნელ–ნელა გასქელდება.

9
ნაწილი
თათარა მზადაა

საბოლოოდ, თათარას ისეთი სისქე უნდა ჰქონდეს, როგორიც სურათზეა ნაჩვენები.

10
ნაწილი
მოათავსეთ თათარაში

ძაფის ბოლოს მოკიდეთ ხელი, ნიგვზის/თხილის ასხმა თათარაში მოათავსეთ და კოვზის დახმარებით ნელ–ნელა თათარაში ჩაფალით.

11
ნაწილი
ამოავლეთ ჩურჩხელა

დარწმუნდით რომ ნიგოზი/თხილი ბოლომდე დაიფარა და ამოიღეთ თათარადან.

12
ნაწილი
გააშრეთ ჩურჩხელები

თუ თათარა სწორადაა მომზადებული ჩურჩხელა წვეთას არ დაიწყებს. ჩურჩხელები გასაშრობად დაკიდეთ. შეგიძლიათ, ჩამოკიდოთ ორ სკამს შორის გადებულ ჯოხზე.

13
ნაწილი
გააშრეთ, კიდევ რამდენჯერმე ამოავლეთ და შეინახეთ

ჩურჩხელები მზეზე 3–4 დღით გააშრეთ, სანამ წებოვანი აღარ იქნება. 3–4 დღის შემდეგ, კიდევ თავიდან ამოავლეთ თათარაში. თათარა ისევ ისე მოამზადეთ, როგორც ზემოთაა აღწერილი, მხოლოდ ერთი განსხვავებით: ბადაგის რაოდენობა 2 ლიტრამდე გაზარდეთ. მეორედ ამოვლების შემდეგაც ჩურჩხელები კიდევ 3–4 დღის გააშრეთ მზეზე. შეგიძლიათ, კიდევ რამდენიმეჯერ გაიმეოროთ ჩურჩეხელების ამოვლების პროცესი. როცა ჩურჩხელები ბოლომდე გაშრება მისართმევადაც მზად არის. შეინახეთ მშრალ ადგილას 2–3 თვემდე. შენახულ ჩურჩხელას ზედაპირზე შაქრის თხელი ფენა უჩნდება – ეს ბუნებრივია, თანაც ჩურჩხელას უფრო ლამაზს და გემრიელს ხდის.

ბეჭდვა
კომენტარები
0 კომენტარი
სხვა საინტერესო რეცეპტები და რჩევები
როგორ დავჭრათ და შევწვათ კომში
იხილეთ თუ როგორ ავარჩიოთ, დავჭრათ და შევწვათ კომში.
ნამცხვარი შუ
ნამცხვარი შუ
შუ კრემით – ერთ–ერთი ყველაზე გემრიელი ნამცხვარია. მორთეთ გამდნარი შოკოლადით ან მოაყარეთ შაქრის პუდრა.
ავტორი:
როგორ დავჭრათ გოგრა
იხილეთ გოგრის დაჭრის მარტივი მეთოდი.
სპაგეტისა და გუფთის წვნიანი
სპაგეტისა და გუფთის წვნიანი
სპაგეტისა და გუფთის წვნიანი – უგემრიელესი იტალიური სადილი.
ავტორი:
წვნიანი ყველით
წვნიანი ყველით
წვნიანი კარტოფილითა და გახეხილი ყველით – განსხვავებული და გემრიელი წვნიანი.
ავტორი:
როგორ მოვაწყოთ სასადილო კუთხე
როგორ მოვაწყოთ სასადილო კუთხე პატარა ბინაში.
როგორ ვიკვებოთ სწორად
როგორ ფიქრობთ, სწორად იკვებებით? სწორად კვება მხოლოდ ჯანსაღი საკვების მიღებას გულისხმობს? გაეცანით დიეტოლოგთა რჩევებს, თუ როგორ ვიკვებოთ სწორად.
თარიღი: 05/06/2017
ავტორი: tamta
კულინარების მოგზაურობა ოკუპირებულ აფხაზეთში
ამერიკაში მცხოვრები ფრანგი მზარეული მეგობარ მზარეულებთან ერთად ოკუპირებულ აფხაზეთში იმყოფებოდა. გთავაზობთ ჩანაწერების თარგმანს.
თარიღი: 03/02/2017
ავტორი: tomato
დიდი ფული და კულინარია
გორდონ რამსი წელიწადში გამოიმუშავებს 38 მილიონ დოლარს. მშობლებს ურჩევიათ თქვენთვის მზარეულობა?
თარიღი: 03/02/2017
ავტორი: tomato
კატეგორიები
მსგავსი რჩევები
ბროწეულის გარჩევა იმაზე მარტივია ვიდრე თქვენ გგონიათ. გაეცანით ჩვენს პრაქტიკულ რჩევას.
იხილეთ თუ როგორ ავარჩიოთ, დავჭრათ და შევწვათ კომში.
როგორ მოვამზადოთ გემრიელი ლატე შინ ყავის აპარატის გარეშე.
როგორ გავტეხოთ ქოქოსი მარტივად.