შაკშუკა

დიდ ტაფაზე, საშუალოზე მაღალ ტემპერატურაზე გააცხელეთ ზეითუნის ზეთი. დაუმატეთ ხახვი და სოკო. მოაყარეთ მარილი. თუშეთ და ურიეთ, სანამ სოკო არ გამოშრება და არ დაიწყებს დაიბრაწვას, დაახლოებით 10 წუთით. შეურიეთ დაჭრილი წითელი ბულგარული წიწაკა და თესლგაცლილი და დაჭრილი პილპილი. თუშეთ და ურიეთ, სანამ წიწაკა არ დარბილდება, დაახლოებით 5 წუთით. დაუმატეთ ძირა, პაპრიკა, კურკუმა, შავი პილპილი და კაიენის წიწაკა. აურიეთ და თუშეთ არომატის გაჯერებამდე, დაახლოებით 1 წუთით. შეურიეთ პომიდვრის პიურე და წყალი. საშუალო ტემპერატურაზე, დაუფარებლად ადუღეთ, სანამ ბოსტნეული არ დარბილდება და დატკბება, დროდადრო ურიეთ, 15–20 წუთის განმავლობაში.

მიღებულ მასაზე დიდი კოვზით თითოეული კვერცხისათვის გააკეთეთ ჩაღრმავება. პატარა თასზე გატეხეთ კვერცხი და ფრთხილად გადაიტანეთ კოვზით გაკეთებულ ჩაღრმავებაში. ასე გაიმეორეთ დანარჩენი კვერცხის შემთხვევაშიც. შეაზავეთ მარილითა და პილპილით. დააფარეთ და ადუღეთ, სანამ კვერცხი თქვენთვის სასურველ დონემდე არ იქნება მზად.

ბოლოს მოაყარეთ ყველი ფეტა და ოხრახუში.