“დარა გოლდშტეინმა ბოლო წლებში საქართველოზე გაამახვილა ყურადღება. მისი ნამუშევარი წარმოადგენს ღრმა ხედვას საქართველოს უნიკალურ კულტურასა და მდიდარ ისტორიაში” – ედუარდ შევარდნაძე, საქართველოს რესპუბლიკის ყოფილი პრეზიდენტი.

ყველაფერი არა 90-იან წლებში, არამედ მეხუთე საუკუნეში დაიწყო. მაშინ, როდესაც მეფის მონადირებული ხოხობი მოიხარშა ცხელ წყალში. ამის მერე ზოგს კიდევ უკვირს, თბილისში ამდენი რესტორანი რატომ არისო, მაგრამ გახსოვდეთ – ჯერ მოიხარშა ხოხობი და შემდეგ დაარსდა თბილისი.

90-იან წლებში კი ქალბატონი დარა საქართველოში მდიდარი კულინარიული ტრადიციების შესასწავლად ჩამოდის. სტენფორდის უნივერსიტეტში სლავურ ენებსა და ლიტერატურაში პროფესორის ხარისხის მიღებისა და რუსეთში ხანგრძლივი პერიოდის გატარების შემდგომ ეს ქალბატონი იმ პატარა ქვეყანაში ჩამოდის, რომელსაც მისთვის არ ცხელოდა.
“ქართული კულინარია ზეიმია ქართველი ხალხის სილაღისა და სიმხიარულის მათ ნაყოფიერ, გასხივოსნებულ მიწაზე” – წერდა დარა 90-იან წლებში.

1993 წელს ნიუ-იორკში გამოვიდა დარა გოლდშტეინის წიგნი სახელად “ქართული სუფრა”. ამავე წელს წიგნმა მიიღო ჯულია ჩაილდის პრემია და წლის საუკეთესო კულინარიული წიგნის სტატუსი. 1999 წელს წიგნი ხელახლა დაიბეჭდა მასზე დიდი მოთხოვნის არსებობის გამო.