ჩიზქეიქი

გააცხელეთ ღუმელი 175°-მდე (350F); მრგვალ ყალიბს(22-23სმ) მოაცხეთ ცხიმი და მოაყარეთ ცოტაოდენი ფქვილი.

მიქსერის გამოყენებით ერთმანეთს შეურიეთ კარაქი, ნაღების ყველი(კრემ-ყველი/მასკარპონე) და შაქარი ჰაეროვანი მასის მიღებამდე. სათითაოდ ჩაუმატეთ კვერცხები და თან ნელა ურიეთ(ერთგვაროვანი მასის მიღებამდე). ბოლოს ჩაუმატეთ და კარგად შეურიეთ ნაღები, სიმინდის ფქვილი და ვანილის ექსტრაქტი.

ჩიზქეიქის მასა ჩაასხით ფორმაში და ყალიბის ძირს მოაცვით ალუმინის ფოლგა გარედან(იხ.ფოტო). დიდი დიამეტრის ქვაბში/ტაფაში ჩააფინეთ სამზარეულოს ნესტიანი პირსახოცი და განათავსეთ მასზე ჩიზქეიქიანი ყალიბი. ქვაბში/ტაფაში ჩაასხით იმდენი მდუღარე წყალი, რომ მასში მოთავსებულ ჩიზქეიქის ყალიბს ნახევრამდე მიწვდეს გარედან. დადგით ქვაბი/ტაფა ღუმელის საცხობ დაფაზე ან მის გარეშე შედგით ღუმელში და აცხვეთ მანამ, სანამ ჩიზქეიქის ცენტრიც არ გამყარდება(დაახლოებით 1 საათი). შემდეგ გააცივეთ ოთახის ტემპერატურაზე, რასაც ასევე 1 საათი დაჭირდება, და ბოლოს კარგად გააცივეთ მაცივარში თავის ფორმიანად.

შენიშვნა: ამ უგემრიელესი ჩიზეიქის გამოსაცხობად სასურველია გამოვიყენოთ ისეთი ყალიბი, რომელსაც გვერდები ეხსნება, ანუ რომლის ძირისა და წრის ფორმის განცალკევებაც შესაძლებელია. ასევე დაგვჭირდება დიდი ზომის ქვაბი ან ტაფა, რომელშიც ეს ყალიბი ჩაეტევა.