მარწყვის რულეტი

წინასწარ გააცხელეთ ღუმელი 190 C-ზე.

25X38 სმ ზომის საცხობ ლანგარზე დააფინეთ პერგამენტის ქაღალდი. ფორმის ძირზე და გვერდებზე კარაქი მოუსვით და ცოტაოდენი ფქვილი მოაყარეთ.

დიდ თასში მიქსერით თქვიფეთ კვერცხი და შაქარი, სანამ არ გაღიავდება და ფაფუკ მასას არ მიიღებთ. დაუმატეთ წყალი და ვანილის ექსტრაქტი.

ფქვილი სამ ნაწილად გაყავით და ეტაპობრივად, ნელ–ნელა შეურიეთ კვერცხის მასას.

მიღებული მასა ფრთხილად დაასხით წინასწარ გამზადებულ ლანგარზე. აცხვეთ, სანამ ნამცხვრის შუა ნაწილი მსუბუქად არ ამოიზნიქება, დაახლოებით 12–15 წუთით.

პერგამენტის ქაღალდი (საცხობ ლანგარზე ცოტათი დიდი ზომის) დააფინეთ მაგიდაზე და შაქრის პუდრა თანაბრად მოაყარეთ (ამის საშუალებით ქაღალდი არ მიეკრობა ნამცხვარს). ლანგარი შაქარმოყრილ პერგამენტზე გადმოაბრუნეთ. ფრთხილად აიღეთ საცხობი ფორმა და ნამცხვრის ძირს პერგამენტის ქაღალდი ააცალეთ

ნამცხვარს, სანამ გაცივდება, ნოტიო და სუფთა სამზარეულოს ტილო დააფინეთ – ეს დაგეხმარებათ, რომ ნაცხვარი არ გამოშრეს და გადახვევისას არ გადატყდეს.

როცა ნამცხვარი გაცივდება, ზემოდან ზომიერად გადაუსვით ჯემი, ისე რომ ნამცხვრის კიდეებზე არ გადახვიდეთ. სულ ზემოთ კი გათქვეფილი ნაღები გადაუსვით. განიერი მხარე თქვენკენ მოათავსეთ და რულეტი თქვენს საპირისპიროდ გადაახვიეთ. გადაიტანეთ ლანგარზე. მოაყარეთ შაქრის პუდრა. მორთეთ სეზონური ხილით – მარწყვითა და ჟოლოთი. გემრიელად მიირთვით!