- კულინარიული აღმოჩენების დროა!
- ჩაინიშნეთ და შეაფასეთ საყვარელი რეცეპტები
- გაუზიარეთ სხვებსაც საკუთარი კულინარიული შემოქმედება
სახლში ალბათ ყველას გვაქვს ძველი ქილები, გასაღებები, გადამწვარი ნათურები თუ გაბზარული ფინჯნები. გიცდიათ მათი გამოყენება სხვადასხვა დეკორაციის გასაკეთებლად?
გთავაზობთ 10 იდეას, თუ როგორ დავუბრუნოთ სიცოცხლე ერთი შეხედვით გამოუსადეგარ ნივთებს.
თოკებით ხეებზე ჩამოკიდებული ბოთლები და მათში ჩაწყობილი ფერად–ფერადი ყვავილები – არაჩვეულებრივი იდეაა ბაღის მოსართავად ღია ცის ქვეშ ქორწილის გასაფორმებლად.
შინ ბევრი ქილა დაგიგროვდათ და არ იცით რა მოუხერხოთ? შეხედეთ სურათს – როგორი მარტივი და ორიგინალური საყვავილის დამზადება შეიძლება ლენტებისა და ქილის გამოყენებით :)
რამდენიმე ძველი გასაღები მოღუნეთ, ხის პატარა ფიცარზე მიაწებეთ ან მიაჭედეთ და გასაღებების საკიდად გამოიყენეთ.
თუ შინ რამდენიმე ხის ყუთი დაგიგროვდათ და მის გადაგდებას აპირებთ, კარგად დაფიქრდით, ხომ არ აჯობებდა, უსარგებლო ყუთები წიგნებისა და ყვავილების თაროდ გექციათ? მარტივი და ორიგინალურია.
ერთი შეხედვით უსარგებლო გადამწვარი ნათურისაგან, აი, ასეთი ლამაზი დეკორაციის გაკეთება შეგვიძლია. შეგიძლიათ გაალამაზოთ სასურველი ოთახი – მოუხდება მისაღებს ან საძინებელს.
თუ ახალი კოვზების ყიდვას გადაწყვეტთ ძველ კოვზებაც შეგიძლიათ მოუძებნოთ ფუნქცია და კარადის ან ოთახის კარის სახელურად გამოიყენოთ.
თუ გსურთ, მისაღებ ოთახში რაც შეიძლება მეტი ყვავილი მოათავსოთ და თან გასაშლელი კიბეც გაქვთ, მაშინ საფეხურებს შორის თაროები მოათავსეთ, თაროებზე კი ბევრი ქოთანი :)
რამდენიმე ძველი ჩანგალი და სამზარეულოში ჭურჭლის ტილოების ახალი საკიდიც მზად არის.
თუ ძველი საწური ახლით ჩაანაცვლეთ – ახალი საწურით თაროები დაამშვენეთ, ხოლო ძველი შეგიძლიათ, შეღებოთ და სამზარეულოში ჭაღად გამოიყენოთ.
თქვენი საყვარელი ფინჯანი გაიბზარა და გადაგდება გენანებათ? ნუ გადააგდებთ, პირიქით, ჩარგეთ ფინჯანში ლამაზი ყვავილი და ისეთ ადგილას მოათავსეთ ხშირად რომ შეხედოთ. განსაკუთრებით ლამაზია გაზაფხულის ყვავილებით.
კომენტარები
ბოლოს განთავსებული
კატეგორიები
მსგავსი რჩევები
